FMS

Breytt gjaldskrá apríl 2012

admin — Thu, 26 Apr 2012 07:59:02 +0000

Gjaldskrá FMS hefur verið uppfærð.

Ný gjaldskrá tók gildi 20. apríl 2012 og er hægt að sjá hana að fullu með því að smella á Gjaldskrá FMS hér til hliðar.

FMS á Sjávarútvegssýningu 2011

admin — Tue, 20 Sep 2011 11:49:37 +0000

Íslenska sjávarútvegssýningin verður haldin dagana 22.-24 september í Smáranum í Kópavogi. Fiskmarkaður Suðurnesja verður þar á bás P40 með Reiknistofu Fiskmarkaða. Endilega kíkið við ef þið eruð á sýningunni og heilsið upp á starfsfólk FMS!

Lokun um helgar sumarið 2011

admin — Mon, 23 May 2011 09:39:47 +0000

TILKYNNING
Lokun um helgar sumarið 2011

Frá og með 28. maí til og með 28. ágúst 2011 verður lokað um helgar hjá Fiskmarkaði Suðurnesja hf á eftirtöldum útibúum: Hafnarfjörður, Grindavík og Sandgerði/Keflavík/Njarðvík.

Opið verður eftir þörfum á þessu tímabili hjá útibúum FMS á Ísafirði og á Höfn í Hornafirði.

Byrjað verður að landa klukkan átta að morgni mánudaga á þessu tímabili.

Við vonum að þetta valdi ekki viðskiptavinum okkar óþægindum.

Framkvæmdastjóri og starfsfólk Fiskmarkaðs Suðurnesja hf.

Helgar sem lokað verður:

28. - 29. maí
4. - 5. júní
11. - 12. júní – Annan í hvítasunnu (13. júní) er opið frá kl. 14 til 18.
18. - 19. júní
25. - 26. júní
2. - 3. júlí
9. - 10. júlí
16. - 17. júlí
23. - 24. júlí
30. júlí - 1. ágúst (Verslunarmannahelgi)
6 . - 7. ágúst
13. - 14. ágúst
20. - 21. ágúst
27. - 28. ágúst

Frá og með september 2011 mun vetraropnun um helgar hefjast að nýju. Nákvæmur opnunartími fyrir veturinn 2011/12 verður auglýstur síðar.

Magn íss í afla m/v hitastig sjávar

admin — Tue, 01 Feb 2011 12:36:51 +0000

Í tilefni af því að sól fer hækkandi á lofti og styttist í sumarið er nú hægt að reikna út hversu mikið magn af ís þarf til að kæla vel eitt tonn af afla eftir því hvert hitastig sjávar er við veiðar.

Hægt er að nálgast reikniforritið hér fyrir neðan og einnig á forsíðu vefjarins.

Jakob Kristjánsson lætur af störfum

admin — Tue, 30 Nov 2010 10:39:04 +0000

Jakob Kristjánsson, starfsmaður á Fiskmarkaði Suðurnesja í Hafnarfirði, lætur af störfum í lok nóvembermánaðar. Jakob hefur starfað á fiskmarkaðnum í Hafnarfirði allt frá stofnun hans fyrir 22 árum og er einn þriggja starfsmanna fyrirtækisins sem hafa náð meira en tveggja áratuga starfsaldri fyrir fyrirtækið.

Við óskum Jakobi velfarnaðar í framtíðinni um leið og við þökkum honum kærlega fyrir frábært samstarf í gegnum árin.

Breytt gjaldskrá tekur gildi 3. september 2010

admin — Tue, 07 Sep 2010 11:09:49 +0000

Vegna hækkunar gjalds Umbúðamiðlunar hækka afgreiðslugjöld kaupenda í 2,75 kr. per kg. Löndunargjald smærri báta hækkar í 1,30 kr. per kg. og löndunargjald stærri báta í 1,00 kr. per kg.

Gjald af söluskráningu í Fjölneti RSF verður 200 kr. per ker ef engin sala verður. Verði sala á Fjölneti gildir venjuleg gjaldskrá FMS.

Ný gjaldskrá tók gildi 3. september 2010 og er hægt að sjá hana að fullu með því að smella á Gjaldskrá FMS hér til hliðar.

Lokun um helgar sumarið 2010

admin — Fri, 14 May 2010 11:32:46 +0000

TILKYNNING
Lokun um helgar sumarið 2010

Frá og með 22. maí til og með 29. ágúst 2010 verður lokað um helgar hjá Fiskmarkaði Suðurnesja hf á eftirtöldum útibúum: Hafnarfjörður, Grindavík og Sandgerði/Keflavík/Njarðvík. Opið verður eftir þörfum á þessu tímabili hjá útibúum FMS á Ísafirði og á Höfn í Hornafirði.

Byrjað verður að landa klukkan átta að morgni mánudaga á þessu tímabili.

Við vonum að þetta valdi ekki viðskiptavinum okkar óþægindum.

Framkvæmdastjóri og starfsfólk Fiskmarkaðs Suðurnesja hf.

Helgar sem lokað verður:

22. - 23. maí
29. - 30. maí
5. - 6. júní
12. - 13. júní
19. - 20. júní
26. - 27. júní
3. - 4. júlí
10. - 11. júlí
17. - 18. júlí
24. - 25. júlí
31. júlí - 2. ágúst - Verslunarmannahelgi
7. - 8. ágúst
14. - 15. ágúst
21. - 22. ágúst
28. - 29. ágúst

Frá og með september 2010 mun vetraropnun um helgar hefjast að nýju. Nákvæmur opnunartími fyrir veturinn 2010/11 verður auglýstur síðar.

Áskorun til sjávarútvegsráðherra

admin — Tue, 09 Mar 2010 11:29:32 +0000

Með stórfelldum niðurskurði á aflaheimildum s.l. haust er vegið að grundvallar starfssemi fiskmarkaða í landinu. Afleiðingar þessa mikla niðurskurðar eru tvennskonar hvað varðar framboð á fiskmörkuðum. Margar útgerðir eru nú í byrjun marsmánaðar að stöðvast og einnig hefur niðurskurðurinn þær afleiðingar að nánast ekkert framboð er á leigumarkaði með aflaheimildir. Fjöldi fiskvinnslufyrirtækja sem byggja vinnslu á hráefnisöflun með kaupum á íslenskum fiskmörkuðum eru nú í mjög alvarlegri stöðu og sjá í raun ekki fram á annað en fjöldauppsagnir fiskvinnslufólks. Slíkt mun hafa alvarlegar afleiðingar á mörkuðum okkar erlendis með íslenskar sjávarafurðir.

Niðurskurður aflaheimilda og algjört frost á leigumarkaði hefur hvað mest áhrif á þær útgerðir sem staðið hafa undir stöðugu framboði á íslenskum fiskmörkuðum.

Með hliðsjón af aflabrögðum undanfarna mánuði teljum við að engin hætta sé tekin þótt aflaheimildir verði auknar verulega og er í því sambandi hægt að vitna í útreikninga Hafró.

Við skorum því á sjávarútvegsráðherra að auka aflaheimildir í þorski, ýsu, ufsa,karfa, keilu og löngu.

Fiskmarkaður Íslands, Fiskmarkaður Suðurnesja, Reiknistofa fiskmarkaða.

Ný gæðastefna FMS

admin — Mon, 01 Mar 2010 13:21:01 +0000

FMS tók í byrjun janúar 2010 til notkunar gæðastefnu sem samin var í samvinnu við Gústaf Hjálmarsson hjá Matvæla- & Gæðakerfi ehf. Gæðastefna þessi er samræmd milli allra starfsstöðva FMS og er markmið hennar að auka gæði og staðfestu þeirrar þjónustu sem FMS býður upp á staða á milli.

Sjá má gæðastefnu fyrirtækisins með því að smella hér.

Breytingar í Hafnarfirði + Sala á Drangsnesi

admin — Thu, 15 Oct 2009 12:48:31 +0000

FMS hefur gert eftirfarandi breytingar á starfssemi sinni í Hafnarfirði. Kristján Atli Ragnarsson hefur verið skipaður stöðvarstjóri FMS í Hafnarfirði og skulu allar fyrirspurnir og/eða ábendingar varðandi starfsemina þar berast til hans. Hægt er að ná í Kristján í síma 824-2406 á milli kl. 6-16 alla virka daga og þá er einnig hægt að senda honum tölvupóst á netfangið kristjan(hjá)fms.is.

Þá hefur einnig orðið sú breyting að framvegis verður allur fiskur af Drangsnesi seldur í gegnum starfsstöð FMS í Hafnarfirði. Þessi fiskur hefur hingað til verið seldur í gegnum FMS Ísafirði en nú hefur verið ákveðið að breyta þessu af þeirri ástæðu að allur fiskur af Drangsnesi kemur inn á gólf í Hafnarfirði fyrir afgreiðslu til kaupenda og því er eðlilegra að hann sé einnig seldur þaðan. Þetta ætti ekki að hafa nein bein áhrif á kaupendur af Drangsnesi önnur en þau að gæðaeftirlit með fiski þaðan mun aukast.